Болестите на респираторниот систем претставуваат најчеста причина за посета на лекар кај децата и адолесцентите. Тоа се најчесто разни вирусни инфекции кои се најтешки за предучилишните деца кои одат во градинка. Ако минатата година имаше многу малку болни деца поради комплетното затворање на градинките и училиштата за време на новата пандемија со корона вирусот, овогодинешната сезона пак започна многу рано.