Вродениот имунолошки систем служи како прва линија на одбрана против штетните микроорганизми, а се состои од сите надворешни површини на телото (кожа, слузокожа) и одредени клетки на имунолошкиот систем (неутрофили, моноцити, макрофаги и природни клетки убијци, како и други клетки). На ист начин реагира со сите микроорганизми и страни тела, пa затоа начесто се нарекува неспецифичен имунолошки систем. Клетките на вродениот имунолошки одговор реагираат многу брзо бидејќи за само неколку часа можат да ги уништат микробите - бактерии, вируси и паразити - кои влегуваат во телото преку мала рана на кожата. Меѓутоа, способноста на вродениот имунолошки систем на телото да се брани е доста ограничена.

Следниот „чувар“ е стекнатиот имунолошки одговор кој има способност на специфично препознавање на микроорганизмите. Реакцијата на стекнатиот имунолошки систем е побавна во однос на вродениот, но е посигурна, а со тоа и поефикасна. Неговата предност е во тоа што може да ги запомни микроорганизмите, на тој начин може побрзо да реагира кога повторно ќе дојде во контакт со страни тела<sup>1</sup>.

Неодамна научниците откриле дека клетките на вродениот имунолошки систем исто така имаат делумна способност за стекнување на имунолошко помнење во процесот т.н. трениран или обучен имунитет (англ. trained immunity).

Ова е најновиот поим кој ја опишува способноста на клетките на вродениот имунолошки систем да го зајакнат имунолошкиот одговор по контакт со микроорганизмите и останати страни тела. По повторна инвазија на микроорганизмите, клетките на обучениот имунитет можат да поттикнат поголем имунолошки одговор и брзо да ја неутрализираат можната инфекција<sup>2-4</sup>.

Клетките на имунолошкиот систем кои се изложени на надворешни токсини или фактори внатре во организмот се менуваат и ги помнат карактеристиките на страното тело, а се очекува овој вид на клеточна меморија да трае од три месеци до година дена. При тоа, имунолошките клетки со обучен имунитет покажуваат заштита од неколку различни страни тела и на тој начин го штитат човековиот организам од широкиот спектар на инфекции<sup>2-4</sup>.

Бројни докази ги опишуваат позитивните аспекти на обучениот имунитет кај луѓето. Тоа е веќе видливо при вакцинација против туберкулоза, осип/мали сипаници, крупни сипаници и детска парализа. Заедничко на сите е тоа што се живи вакцини, што значи дека содржат живи, ослабени организми кои предизвикуваат неспецифичен одбранбен ефект против останати инфекции, односно обучен имунитет. Постојат и одредени докази дека вакцинирање против туберкулоза може да има антитумурозно делување, што доведува до превенција или лекување на малигни болести како што се рак на мочен меур, меланом, леукемија и лимфом. Се чини дека овие ефекти против карциномот се последица на активација на клетките, односно обучен имунитет кај моноцити и макрофаги.

Слично делување на обучен имунитет е забележано и кај бета -глуканите, биолошки активни полисахариди. Во 'рбетниот мозок каде се формираат клетките на вродениот имунолошки одговор, бета-глуканите го менуваат создавањето на матични клетки и на тој начин се создаваат клетки со обучен имунитет<sup>4</sup>.

Со земање на бета-глукани можеме дополнително да го зајакнеме неспецифичниот одговор на нашиот имунолошки систем<sup>2-4</sup>.

Постојат неколку видови на бета-глукани кои меѓусебно се разликуваат и имаат различно делување на човековиот организам. Дејството на бета-глукани на имунолошкиот систем директно зависи од потеклото, структурата, чистотата и способноста на создавање на целосна врска со рецепторите на клетките на имунолошкиот систем.

Во природните производи на Defendyl-Imunoglukan P4H® се наоѓа природен бета-глукан IMG®, високопрочистен екстракт на печурката буковка. Витамин Ц и цинк, кои исто така се присутни во производите, придонесуваат во функцијата на имунолошкиот систем и ги штитат клетките од оксидативен стрес.

Долгогодишните клинички испитувања ја потврдуваат ефикасноста и безбедноста на производот Defendyl-Imunoglukan P4H® за повеќемесечна употреба, во превентивни цели и при ослабување на имунитетот.

1. The innate and adaptive immune systems. 2020 Jul 30 [cited 2022 Feb 2]; Dostopno na: https://www.ncbi.nlm.nih.gov/books/NBK279396/

2. Dos Santos et al. β-Glucan-Induced Trained Immunity Protects against Leishmania braziliensis Infection: a Crucial Role for IL-32. Cell reports [Dostopno na spletu]. 2019 Sep 3 [cited 2022 Feb 2];28(10):2659-2672.e6.

3. Tercan et al. Trained Immunity; Long-term adaptation in innate immune responses. Arteriosclerosis, Thrombosis, and Vascular Biology [Dostopno na spletu]. 2021 Jan 1 [cited 2022 Feb 2];41(1):55–61.

4. Netea et al. Defining trained immunity and its role in health and disease. Nature reviews Immunology [Dostopno na spletu]. 2020 Jun 1 [cited 2022 Feb 2];20(6):375–88.

Дали сте знаеле? Подобра отпорност на организмот може и да се „тренира“

Запознајте ги нашите производи

Запознајте ги нашите производи

Пријавете се за Медисови е-новости

Пријавете се за
Медисови е-новости