Нивес Болтар
регионален продукт менаџер за Defendyl®
Почетна >Имуноблог >Стручно > Инфекциите на респираторниот систем се најчесто заболување кај децата

Инфекциите на респираторниот систем се најчесто заболување кај децата

Инфекциите на респираторниот систем може да се поделат според повеќе критериуми: место на инфекцијата, причинител, времетраење на болеста и компликации. 

Во што е проблемот?

Децата најчесто заболуваат од инфекции на горните дишни патишта (настинка, воспаление на синуси, уво и грло). Овие инфекции генерално не се сериозни, но ако често се повторуваат и се долготрајни, може да го нарушат квалитетот на живот кај детето. Воспаленијата на долните дишни патишта (душник, бронхии и бели дробови) опфаќаат само 5% од сите инфекции на респираторниот систем.

Времетраењето и честост на респираторни инфекции кај деца:

Во зависност од времетраењето, инфекциите на респираторниот систем може да се поделат на акутни инфекции, повторувачки (чести) акутни инфекции, хронични инфекции кои траат повеќе од 3 месеци.

Честост на респираторни инфекции кај деца:

  • Мали деца (1–5 години): до 10 инфекции годишно
  • Мали деца во градинка: до 15 инфекции годишно
  • Големи деца (6–12 години): од 5 до 8 инфекции годишно

Познати се два показатели за појава на овие инфекции: 

  • возраст помеѓу 6–12 месеци – детето ги »потрошило« заштитните антитела кои ги добива од мајката пред раѓањето, а сеуште не ги развило сопствените антитела
  • прв контакт на детето со други деца (градинка, училиште) – постои висока изложеност на разни заразни болести кои ги имаат другите деца од групата 

Повеќе од 90% од сите респираторни инфекции ги предизвикуваат вируси. 
Бактериите како примарни причинители на инфекција се јавуваат во само 5-10% од случаите на сите респираторни инфекции. 

Кои се симптомите на респираторните инфекции?

Општи симптоми: покачена телесна температура, замор, слабост, поспаност, треска, раздразливост, главоболка, болка во мускулите и зглобовите, губење на апетит. 

Симптомите се развиваат со различен интензитет кај различни заболувања, а сериозноста на симптомите исто така зависи и од индивидуалната подготвеноста на имунолошкиот систем да се бори против инфекцијата. Инфекцијата предизвикана од вируси која кај поголемите деца се манифестира со благи симптоми, кај новороденчиња или доенчиња може да предизвика и компликации.

Честите, но благи вирусни инфекции (како што се обична настинка, ринитис) кај повеќето деца не бараат лекарски преглед и поминуваат за 5 до 7 дена. За разлика од возрасните, кај децата повеќето вирусни инфекции се проследени со покачена телесна температура. 


Најмногу што може да направиме е да превземеме едноставни превентивни мерки, пред се за време на епидемии (во периодот есен-зима).

1. Избегнување на затворени простории со многу луѓе:

  • трговски центри
  • детски игралишта
  • посетување на болни лица

 

2. Лична хигиена

  • миете ги рацете повеќе пати на ден со сапун и вода
  • при кивање и кашлање ставете ја раката на уста

3. Здрав начин на живот:

  • балансирана исхрана (богата со сезонско овошје)
  • движење на свеж воздух
  • доволно спиење

4. Најефикасна заштита од грип е вакцинација

За деца со чести респираторни инфекции, посоветувајте се со педијатар, кој доколку е потребно ќе ви препорача дополнителни мерки за јакнење на имунитетот. За зголемување на отпорноста кај деца може да се употребуваат додатоци во исхрана, кои го активираат имунитетот, посебно се добри оние кои се природни.

Кога треба задолжително да се посети педијатар?

  • кога покачената температура трае повеќе од 5 дена 
  • кога детето е бледо, пепеласто сиво или помодрено
  • кога има ослабени реакции
  • кога има знаци на зголемена работа на респираторниот систем (дише со носните крила, при вдишување му се вовлекува јамичката под вратот, дише со стомакот) или дише брзо (за возраст од 6-12 месеци повеќе од 50 пати во минута, а над 1 година повеќе од 40 вдишувања во минута)
  • детето е кенкаво
  • одбива храна и течности, поретко мокри, има суви слузници
  • има отечени зглобови или екстремитети
  • има осип на кожата кој под притисок не побледува (петехии)

Новороденчињата и доенчињата на возраст до 6 месеци имаат сеуште неразвиен имунолошки систем. Затоа кај нив е потребно да се посети педијатар и кога температурата е 39 °C само еден ден или имаат еден од горенаведенити симптоми.

Изберете вистинкси производ за Вас

Defendyl-Imunoglukan P4H® не смеат да ги земаат болни со пресадени органи. Болните, кои земаат имуносупресивни лекови, може да земаат Defendyl-Imunoglukan P4H®, само по совет од лекар. Препорачаните дневни количини односно дози, не смеат да се пречекорат.

Додатокот во исхраната не е замена за балансирана и разновидна исхрана.